လှပသာမော ဥယျာဉ်တောမှ
ရောင်စုံပွင့်ဖူး အလှထူးပြီး
သင်းပျံ့မွှီးကြိုင် ရနံ့လှိုင်လို့
ပန်းတိအများ ပွင့်လန်းရေ။
အဆင်းလှပ ရနံ့ရလို့
ပျားနှင့်ပိတုန်း တဟုန်းဟုန်းနန့်
သနားစဖွယ် ဖလံငယ်ပါ
ရှုမငြီးစရာ ဥယျာဉ်သာမှာ
သူရို့ပျော်မြူး နိန်ကတ်တေ။
ထော...ကြည့်လိုက်
လှပတင့်တယ် ပန်းပွင့်ငယ်တိ
လီပြီတချက် ဝှေ့တိုက်ချက်ကြောင့်
ဝှေရောက်ဒေရောက် လီမှာရွှင့်ပြီး
မြီမှာခယ ဝပ်စင်းခဗျာယ်။
လီပြီဆောင်လို့ ရနံ့လှိုင်ပန်း
လီပြီဖြန်းလို့ ကြွီနွမ်းလားခါ
ပန်းစုံတောမှ ပျော်မြူးစွာနန့်
ပျံဝဲခကတ် ဖလံပိတုန်း
တဟုန်းဟုန်းလည်း အဂုအချိန်ခါ
ဥယျာဉ်သာကို စွန့်ခွါထွက်ပြီး
ထို.... အဝီးကို....။
~~~~~~~~
၂၀-၁၂-၂၀၀၃
No comments:
Post a Comment
ဒေစာတိုပီစချေကိုဖတ်ပြီးကေ သင့်အမြင်ကိုရွီးထားခပါနှ